Strigo strigumas strigume

Pardon peto pro longa foriro

Sun, 02 Nov 2008 13:40:15 GMT

Mi petas al la geamikoj pardonpeton pro la longa foriro el LJ sed familiaj aferoj tiris min for.
La 86-jara patrino postulis atenton pro malsano, kaj la morto de mia patro estis la plej gravaj aferoj dum tiu ĉi jaroj.
Nu, nun mi estras la Ĉilia Esperanto-Asocio, kaj zorgas pri la retejo de Ĉilia Esperanto-Asocio.
Vizitu http://esperanto.cl !!

Vidu mian Slide Show

Tue, 22 Apr 2008 14:53:51 GMT

estrumi la ttt-ejon!!!

Sun, 03 Jun 2007 19:28:37 GMT

Nu, kiel ttt-ejestro de la ĉilia esperanto-asocio retejo, la afero ne estas facila. En Ĉilio estas malmultaj esperantistoj, ĉefe junuloj kiuj komputilas kaj ne ŝatas kunveni se la kunveno ne okazas virtuale aŭ eĉ en drinkejo aŭ diskotekon.
Maljunuloj ne kutimas komputili kaj plendas pri la manko da junuloj en la kunvenoj. Kaj ni - kiuj estas la sandviĉa generacio- klopodas vane konstrui ponton inter ambaŭ....
Ho ve, kia tasko!!!!
la gejunuloj ŝatas pli altira ttt-ejon, kun multaj elŝutaĵoj kaj ligojn; plenplenaj da flaŝ-eroj... maljunuloj perdas en tia ĥaoso!!!
Nu, ĉu ni devas krei du malsamajn ttt-ejojn: unu por junuloj kaj la aliaj por maljunuloj?
Kion vi opinias?

FERIOJ!!

Mon, 19 Feb 2007 21:27:14 GMT

Finfine mi sukcesis ferii almenau dum du semajnoj post tre malfacila jaro. Chi jare estis ja tre stresiga pro la malsano de mia patro, kaj lia posta morto en majo, poste venis la reordigo de la familiaj aferoj kaj zorgi pri la patrino, kiu jam estas 85 agha.
Sed ne chio estis kiel planite, mi pensis en ferioj en strando, sed tio ne sukcesis.... la patrino falis en la domo kaj rompis tri ostojn kaj devas nun resti en plena ripozo dum unu monato!!!!
kion fari.... ferii endome!!!!

Morto de mia patro

Wed, 11 Oct 2006 22:44:57 GMT

Nu, post 4 monatoj mi decidis skribi pri la morto de mia patro. Dolorig afero estis tiun 5an de majo chi jara, kiam mi vidis mian patron en sia laborejo sur la sofo tute senkonscia pro cerba akcidento. Post tuja kunporto al malsanulejo, la kuracistoj diris ke la akcidento estis tiel granda, ke ghi necese kauzos lian morton.
Mia onklino - la nura fratino de mia patro- deziris fari chion ech ne eblan por ke mia patro survivu, char shi tute ne asumis la aferon pri la estonta forpaso.
Sed, la forpaso okazis nur 13 tagojn poste, kaj feliche mia patrino kaj mi estis apud li kiam tio okazis.
Mia patro kies nomo estas ankau Hector, estis instruisto pri kemio kaj biologio, eksa rektoro de la plej malnova gimnazio en la urbo, kaj li instruis plurajn generaciojn da kurikanoj.
Mi povas diri ke multaj personoj diris al mi aferetojn kiujn mi tute ne konis pri li: li monhelpis multajn junulojn por ke ili povu acheti kajerojn kaj krajonojn por studi, au acheti manghajhojn, helpis persekutitoj de la chilia diktaturo kaj tiel plu. Mi vere miris pri tioj!!!
Nun mi ja sentas lian mankon, la dimanchojn chefe, kiam ni estis kune en sia hejmo.
Li montris al mi radioamatorismon, kaj tiu hobio permesis al ni komunikighi, char niaj rilatoj ne tro bonis tiam. Nun mi ekuzas lian voknomon CE4CK, kiu estas preskau 65 jarojn olda . . ..
Do, doloron sentas mi interne . . . .

Sensensa baloto

Sat, 19 Aug 2006 05:10:28 GMT

View Poll: Pornan Filmon en Esperanto

SEKVAS LA TV-SERIO PRI MALAPERINTOJ KAJ MALKOREKTA IDENTIGADO

Fri, 28 Apr 2006 04:58:46 GMT

Hodiaŭ la registaro per sia Sekretario pri Internaj Aferoj, respondis la kritikojn pri la krizo de la malkorekte identigitaj malgeaperuloj, tiel : "La mortintoj ne estis niaj, kaj la malaperintoj ne estis niaj". Tiu ĉi respondo estis taksita kiel malrespekto kontraŭ la familioj de tiuj personoj, ĉar kompreneble ne estis la mortintoj el la politika partio de la Sekretario, nek ili faris malaperigi ilin.
Oni taksis ankaŭ ke estis maniero eviti la erarojn faritaj de la 4 sinsekvaj registaroj de la Koncertacio por la Demokratio, por kiuj la afero "homaj rajtoj" kaj " malaperuloj" ne estas grava afero kaj volas baldaŭ forigi ĝin el la diskut-tablo; kaj ankaŭ volas ne respondeci pri la grandaj monsumoj destinitaj al la laŭleĝa servo kiu devis identigi la korp-restaĵojn.
Ĉu ekzistas ia ŝtelado pri mono? Kial la aferoj ne funkciis kiel planite? Kial ne volis personoj korekti identigi la restaĵojn?

GENERACIA TRUO

Wed, 26 Apr 2006 18:28:18 GMT

Mi ne certas ĉu la afero ankaŭ okazas en aliaj landaj esperantao-asocioj / kluboj, sed vere kiam gejunuloj estas tre interesitaj en iu afero, laboregas por ĝi kaj en tiu ĉi agado, ili ĉagrenas oldulojn, kiuj ĝenerale ne ŝatas tro aktivajn klubojn aŭ asociojn.
Sed la afero ne estas forpeli gejunulojn el tiu asocio / klubo sed uzi ilian intereson por certigi al niaj kluboj kaj asocioj estontaj "klientoj". Por tion fari, la olduloj devas iom cedi, kaj la gejunuloj ne tro postuli ĉe la komenco.
Unu el la olduloj povas helpi la juna sango ekagi kaj tiel kunordigi la agadon por ne ĝeni unu la alian.

Sed ankaŭ okazas en niaj esperanto-rondoj, ke en certaj jaroj tute ne okazas kursojn, kaj tie ekestas truo inter du generacioj de geesperantistoj, kiuj ne konas unu la alian, kaj kies interesoj por la lernado de la lingvo malsamas. Kaj eĉ ili ne ŝatas kunveni inter si, ĉar la temoj estas ja diversaj.

Ambaŭ aferoj okazas en mia lando, Ĉilio. Kelkaj esperantistoj lernis esperanton dum la Dua Mondmilito, kaj iuj eĉ estas refuĝintoj el juda deveno, kiuj lernis esperanton en la koncentrigaj kampoj. Poste ni havas geesperantistoj kiuj lernis la lingvon en Universitato antaŭ la jaro 1973 kiam okazis la putĉo kontraŭ Salvador Allende: tiuj ne ŝatas kunveni troe ĉar ankoraŭ restas "duboj" pri tio ke ilia partopreno estos danĝera por la esperanto movado ĉilia.
Poste venas ni, kiuj lernis esperanton en la 80aj jaron, kiuj tre ege amas esperanton kaj uzas ĝin ĉiutage, sed kiuj estas tro for unu de la alia ( ĝis 1000 kilometroj for) kaj kiuj malfacile povas renkontri sin pro la distancoj, kaj nun familiaj devoj.
Kaj jen venas la "beboj", tiuj gejunuloj kiuj lernas esperanton per la reto, kaj ŝatas babili rete kaj sendi e-mesaĝojn, kaj por kiuj kunvenoj estas perdo da tempo.
Kaj eĉ unu problemeto pli: La geesperantistoj kiuj vivas ekster la ĉefurbo estas multe pli aktivaj, ol tiuj kiuj loĝas ĉefurbe!!
Kion fari?....

GRAVEGA ERARO EN IDENTIGO DE MALAPERINTAJ ARESTITOJ

Tue, 25 Apr 2006 03:09:38 GMT

Post 10 jaroj, finfine oni agnoskis per la oficialaj instancoj la erarojn, kiujn la Kuracista Leĝa Servo faris en la identigado de pli ol 48 restaĵoj de malaperintaj arestitoj, kiuj mortis dum la putĉo kontraŭ la registaro de Allende far militistoj favoraj al Pinoĉet.
Ili estis enteigitaj kaŝe en la Ĝenerala Tombejo de Santiago, en la 19a korto. Tiel ili estas publike nomataj la " malaparuloj el la 19a korto".
Ĉi tiu afero estis ĝenerale konsiderata kiel ne eltenebla afero, kaj ĉiuj nun serĉas respondeculoj pri la kaŭzoj, kaj nur volas scii, kiuj estis la personoj kiuj kaŝe tenis la informojn pri la malĝustiĝoj....
Ĝenas min, ke politikaj kialoj estis post tiu ĉi registara decido pri kaŝigi la malĝustaĵojn, ĉar tiel la ĝenerala politiko pri homaj rajtoj ne estis tuŝita aŭ kritikata kiel mizera.
Sed feliĉe la loĝantaro altigis la voĉon kaj la vero aperis.
Nun la Prezidantino Baĉelet' klopodas rearanĝi la ĥaoson, kiujn la du antaŭajn Prezidintoj faris... ni vidos tion, kio okazos....

Malvarmumo

Sun, 23 Apr 2006 23:54:22 GMT

Ho ve!! Ĉi semajnfino estis terura.... Forta gripo atakis min, kun febro kaj subita enlitiĝo necesis por vivteni sin!!!!
Feliĉe ekzistas la ebleco trinki varman akvon kun plantoj kaj floroj: violetoj, tusilago, saŭko aŭ saliko, kaj tiel plu. Venis forta ŝvitado, kaj post kelkaj horoj, la forta gripo fariĝis amika malsaneto.!!
Mi gratulas la naturon pro tiaj eblecoj... kaj malbenas la homojn, kiuj atakas, detruas kaj vendas ĝin!!!

Miaj Hobioj

Sun, 23 Apr 2006 23:13:05 GMT

En tiu ĉi artikolo mi kunigis miajn aliajn agadojn ekster miaj laboroj kiel advokato kaj profesoro. Eble ili ne estos tre gravaj kaj eltiraj kiel salti en benĝio aŭ parapento, se ili ja plaĉas al mi.
Do, miaj kromaj interesiĝoj estas:

Filatelio
Filatelio ĉiam plaĉis al mi, ĉefe serioj pri bestoj, skoltismo kaj esperanto, kaj ankaŭ birdoj. Mi havas kelkajn albumojn, sed verdire ne havas sufiĉe da tempo por ordigi la tutan aferon.

La taroto kaj la astrologio
Taroto kaj astrologio, precipe estas intereso pro la religiaj malpermesoj. Jes, konigi ĉion kio estas sekreta igis tre eltira afero por mi. Nu, kiam junulo mi legis taroton, kaj ĉio kion mi diris okazis, do tio timigis min kaj mi ĉesis tion fari. Tiam mi estis 15 jara. Ekde unu kaj duona jaro mi rekomencis ĉi tiun aferon kaj mi klopodas lerni pli, kaj kiel fari astrologian ĉarton. Mi sukcesis trafi taŭgan softvaron por konstrui astrologiajn ĉartojn.

La muziko kaj teatro
Muziko ĉiam plaĉis al mi, precipe tiun muzikon kantebla ĉu en hispana ĉu en esperanta lingvoj. Ĉefe mi aŭskultas romantikan muzikon. Miaj plej ŝatataj kantistoj estas Chayanne, Shakira, Emmanuel, Soledad aŭ samtipaj. En esperanto, tre plaĉas al mi la grupojn "Kajto" kaj "Persone", kaj nun mi faras ĉion eblan por aĉeti ĉiujn iliajn KD-ojn. Mi ankaŭ ŝatas kelkajn angl- lingvajm grupojn kaj kantistojn kiel Gloria Stefan kaj la jam ne plu ekzistantaj grupoj The Carpenters kaj Simon & Gurfunkel.
Nu, pri teatro, mi ja ŝatas ĝin, kaj laŭeble klopodas ĉeestis teatraĵoj. En Kuriko' tio ne okazas ofte ĉar ĉi tie ne ekzistas teatraj trupoj. Dum miaj gimnaziaj jaroj, mi partoprenis en kelkaj teatraĵoj kiel "La Violinisto sur la Tegmento", "La venonta Diluvo" kaj " Mia Rompita Kristo"; la du unuaj estas muzikaj komedioj.

Tradukado
La arto traduki!! Jes ja, ĝi estas vera arto!!! Mi preskaŭ studis tredukadon ĉe la sama Universitato kie mi studis juron. Se mi ja timis pri la germana gramatiko, ĉar lerneje mi neniam studis ĝin kaj tio eble igos pli malfacilan la tutan studadon.... sed mi studis do interpretado.... juran! Mi ne dubas ke tio estis bona decido, ĉar mi vere rifuzis pri la alian fakon, kiam mi faris tradukon pri la Kivia frukto el la angla, kaj restis dum pli ol 15 tagoj serĉante taŭgajn vortojn, ktp... Do mi elpensis ke tio ne estis eltira por mi, kaj do....
Sed la viruson pri tradukado jam estis ene de mia menso kaj korpo kaj de tempo al tempo mi faras tradukojn el la angla, hispana, germana, franca lingvoj en esperanton kaj reen !!!! Grava praktiko estis tio, ĉar dum la 19 Monda Skolta Ĵamboreo mi estis tre utila homo por klarigi ludojn al la junularo kiu ne parolis hispanan nek francan nek anglan lingvojn. Kia kaoso estis tio, 189 lingvojn en la sama loko, dum 10 tagoj, kaj ne ĉiuj parolis bonegan anglan!!!!
Nun mia penas traduki en esperanton ĉiujn gravajn verkojn de Baden Powell. Kelkaj jam estas pretaj, aliaj mezplenaj, kaj aliajn mi ankoraŭ ne komencas. Kelkaj troveblas ĉe SEL

Fotografio
Fotografio estas hobio, kiun naskiĝis pro bezono fotadi skoltajn renkontiĝojn kaj trejniĝajn kursojn, Ĵamboreojn, ktp. Lastatempe mi fotadas pejzaĝojn por pentristoj, kiujn poste pentras en siaj bildoj. Poste kelkaj el ili videblos ĉe mia paĝoj pri fotoj.

Psikologio
Psikologio estas preskaŭ mia alia profesio! Mi pensas ke mi havas ŝancon iam igi psikologo. Mi malkovris tion dum mia laborado kun gejunuloj ene de la skolta movado, kiel trejnisto de skoltestroj kaj profesoro. Mi klopodas serĉi interesajn aktivecojn por apliki miajn konojn en tiu ĉi fako.

La interreto kaj reta babilado
La reto estis tre altira al mi, kaj ĝi igis mian ĉefan endoman hobion. Mi multe bedaŭras ke kiam mi malkovris ĝin, la kostoj estis tre altaj, kaj mi ankoraŭ devas pagi tion --ho ve! kiaj ŝuldoj!!!- Mi precipe uzas la reton pro e-poŝto, kaj propagandi esperanton per mia koresponda kurso. Ankaŭ nun malnovaj esperantistaj geamikoj sukcesis havigi retan aliron kaj do mia korespondado igis interesan.
Eble ni povus renkontiĝi en iu babilejo ĉe Dalnet #esperanto. Miaj kromnomoj estas "knabo" , "strigo" aŭ "skolto" ; mi ankaŭ aperas ICQ-e kiam mi elŝutas mian e-poŝton. Kontaktoj kun vi eblas se vi antaŭe anoncas vin....skribu min
Mia ICQ numeroj estas 87393554.
Mia MSN estas strigo_cl
Mia Google Talk estas esperanto.chile

Mia profesio

Sun, 23 Apr 2006 23:03:18 GMT

Mi faris miajn studojn ĉe la Fakultato pri Juraj kaj Sociaj Sciencoj de la Pontifika Katolika Universitato ĉe Santiago de Ĉilio. Mi finis miajn studojn en 1987, kaj ricevis mian titolon kiel Licencito pri Juro en 1990.
La titolo kiel Advokato donis al mi la Supera Kortumo pri Justico de Ĉilio en 1990.
Ekde tiam mi dediĉas al la libera ekzercado de mia profesio en mia propra oficejo; kaj krome mi faras klasojn ĉe Teknikaj Superaj Institutoj nomataj Instituto de Massachussets, ( klasoj pri Komerca Juro, Labora Juro, Kriminala Juro, Enkonduko al Jura Scienco) , ankaŭ? ĉe la Instituto AIEP, en la Universitato Los Lagos en la urbo kie mi loĝas Curicó(pron. Kuriko')
En la urbo ankoraŭ? oni ne praktikas specialiĝon ĉe la advokatoj kiel okazas en grandaj urboj, por tio oni devas sperti en preskaŭ? ĉiuj branĉoj. Se vi ne faras tion, vi ne sukcesos havigi al vi klientojn, do... Sed, ĉefe mia oficejo dediĉas sin plej parte al jenaj materioj:
Naciaj kaj internaciaj adoptiĝoj de infanoj
Komercaj aferoj
Luadoj kaj administrado
Civilaj proceduroj
Laboraj proceduroj
Familiaj proceduroj kaj endoma perforto
Trafikaj kaj akcidentaj proceduroj pro damaĝoj en Aŭtomobilaj Akcidentoj kaj Defendado de Konsumantoj
Kriminalaj Proceduroj

Se Vi deziras ekkoni pli pri la Ĉilia Juro, havigi al si juran konsilanton en Ĉilio, ne hezitu kontakti nin, kaj vi estos adekvate kaj ĝustatempe servota.

LA PAPO SALUTIS ESPERANTE

Fri, 21 Apr 2006 04:33:52 GMT

La pasintan dimanĉon mi tre ege ĝojis kiam la Papo Benedikto XVIa salutis nin esperante dum sia saluto pro la beno "urbe kaj monde". Kaj tiam alvenis la voĉo "nella lingua esperanto". Hurra! almenaŭ ĉi jare ni ricevis la feliĉon ree aŭskulti la plej altan aŭtoritaton de la Katolika Eklezio parolate esperante. Kaj malgraŭ tio, esperanto ne ekzistas por kelkaj personoj....

INSIGNIO DE LA GESKOLTA GRUPO " SANKTA FRANCISKO"

Fri, 21 Apr 2006 04:32:26 GMT

INSIGNIO DE LA SKOLTA GRUPO "LA CONCEPCIÓN"

Fri, 21 Apr 2006 04:30:00 GMT

INSIGNIO DE LA SKOLTA GRUPO " SUDA KRUCO"

Fri, 21 Apr 2006 04:28:27 GMT

LA KOLUMO DE DINIZULU

Fri, 21 Apr 2006 04:26:41 GMT

En la jaro 1888, Baden Powell ricevis donacon de la reĝo de zuluanoj, Dinizulu. Estis kolumo kun pli ol 1000 lignaj "perloj". En 1919 BP serĉis konvenan distingilon por skoltestroj, kiuj trapasis skoltisman kurson, kaj prenis ledan ŝnuron kaj alnodis du tiajn perlojn, kaj tiel li kreis "Wood Badge" (Lignan Insignon).
En la jaro 1968 oni rekreis la kolumon de Dinizulu. Roveroj en Natalo kune kun indiĝenaj zuluaj skoltoj dum monatoj laboris, kaj faris kvar kopiojn de la longa kolumo.
(el "La Skolta Mondo", N-ro 24)

MIA BIOGRAFIO

Fri, 21 Apr 2006 04:23:09 GMT

Mi naskiĝis la 20an de septembro 1963, en Santiago de Ĉilio, la ĉefurbo de Ĉilio, Sudameriko. Mi estas la sola filo de la geedzoj Héctor kaj Nena.

Miajn studojn mi faris ĉe Instituto San Martín de Curicó , kiuj apartenas al la religia kongragacio nomata La Fratetoj de la Lernejoj, kreita de Marcel Champagnat en Francio dum la 19a jarcento.

Dum miaj studoj miaj plej ŝatataj fakoj estis lingvoj, sociaj sciencioj kaj studentaj aktivecoj. Mi estis tre bona lernanto en la franca, kaj angla lingvoj, en sciencoj, ekonomio kaj aliaj ne scienciaj fakoj. Mi ankaŭ kunlaboris en bulteno kiu apartenis al nia kurso, sed kiu baldaŭ iĝis eĉ por la tuta lernejo.

Kiam mi estis 8 jarulo mi eniris en la Skoltan Movadon, ĉe la Lupida Svarmo Estrella Polar, poste mi estis en la Trupo Cruz del Sur (Suda Kruco), kaj kiam mi estis 15 jaroj, mi partoprenis en la Rovera Bando Antares. Kiel membro de la skolta movado mi sukcesis igi sesestron, poste patrolestron kaj ankaŭ roveran kunordiganton. Sed kiam mi estis ĵus 18 jaroj mi devis plenumi la postenon kiel Roverestro pro malsano de tiu estro. Mi ankaŭ partoprenis kiel help-lupidestro, sed plejparton de mia estrula vivo, mi laboras kiel Roverestro, pro tio ke kiam oni estas adoleskanto oni bezonas iun, al kiu paroli kaj kiu povas kompreni junajn mistrafojn ktp. Do, mi havis bonan sukceson kun gejunuloj tiuflanke

Kiel skoltestro mi havas nun Gilwell-insignon en kompreneble rovera branĉo, kaj estis Roverestro en tri grupoj, en sinsekvaj jaroj( Grupo Scout Cruz del Sur (1980-1986) kaj Grupo Scout La Concepción (1989-1995), kaj ĝis oktobron 1996 mi estris la Grupon San Francisco. Kiel membro en la Geskolta Asocio de Ĉilio, mi estis Distrikta Komisaro dum du periodoj(1989-1995), estis Regionestro de Regiono El Maule, (1996-1999) kaj Distrikta Trejniĝa Kunordiganto. Nun mi estis Grupestro de la Geskolta Grupo Cruz del Sur (2001-2006).

Profesie mi estas advokato, studis ĉe la Pontifika Katolika Universitato de Ĉilio, kaj plej ŝatis al mi Internacia Privata kaj Publika Juro, Labora Juro kaj aliaj kiel latino. Mia tezo temis pri "La Lingva Problemo en Internacial Rilatoj" kaj estis aprovita "cum laude". Finfine mi sukcesis diplomiĝi kiel Licenciato en Juro la 20an de septembro 1990an, kaj ricevis mian diplomon kiel advokato de la Supera Kortumo pri Justico la 1an de Oktobro samjare. De tiam mi laboras, kaj havas propran oficejon, sed samtempe instruas juron ĉe teknikaj Institutoj Massachusets, AIEP kaj nun en la Universitato Los Lagos, ĉiuj kun sidejo en Curicó. Dum la diktatorecaj jaroj en Ĉilio, mi ekinteresiĝis pri Homaj Rajtoj, precipe pri diskriminacio.

Mi ankaŭ interesiĝas pri radioamatorismo. Mi ekhavis mian licencon CE 4 JLK en 1981, kaj de tiam mi dediĉas multajn horojn klopodante trafi novajn landojn kaj teritorioj por finfine sukcesi diplomojn radioamatorajn. Mi multe amas DX-ajn kontaktojn. Mi estas ano de Radio Club José Lena de Curicó, kie mi estis Prizorganto de Junularaj Aferoj, QSL-manaĝero, Sekretario, kasisto kaj poste Prezidanto, kompreneble en malsamaj jaroj.

Ĵurnalismo esta plia intereso mia. Mi skribis artikoloj en la loka ĵurnalo La Prensa pri miaj hobioj (radioamatoismo, skoltismo kaj esperanto). Tiu ĉi intereso kreskis kiam mi estis kunlaboranto de la lerneja bulteno kaj preskaŭ estis mia profesio. Sed mi skribis pluraj artikolojn en la bulteno de la Jura Lernejo kaj poste estis la redaktoro de la oficiala bulteno de la Skolta Esperanto-Ligo, kiu nomiĝas La Skolta Mondo.

ESPERANTO estis la ilo kiu kunigis preskaŭ ĉiujn miajn interesojn. Mi lernis Esperanton en 1977 kiam mi estis klopodante skolta lerteca insigno, kaj baldaŭ mi igis fanatikan esperantiston..

LA 11-AN DE MARTO

Fri, 21 Apr 2006 04:21:50 GMT

Ni estos baldaŭ por la enpostengo de la unua virino kiel prezidantino de Ĉilio, en ĝia tuta historio. Tio okazos la 11an de Marto.
Ĉu S-ino Miĉele Baĉelet’ havos sukcesan regadon aŭ ne? Estas la demandado. La opozicio jam diris ke ili ne faros la vojon mildan ĉar tiu politiko permesis nur la sukceson de la Koncertacio nun reganta la landon, kaj tio ili certe ne volas. Do, ŝajnas ke la afero venos malmilda, kaj tute militema.
Sed por mi estas multe pli grava tiun 11an de marto, ĉar estas la naskiĝdatrevenon de mia patro kiu iĝos 78 jara!!!
Ni festos hejme kaj certe kun lia fratino, mia patrino, gekuzoj, kaj geonkloj. Sed en tre malsamaj ordoj: unue, la familianoj de mia patro tagmanĝos kun ni; poste vespere, ĉiuj parencoj de mia patrino venos noktomanĝi. Ho ve! Terura afero, duobla tasko sed kion fari, estas lia festotago!!

ĈINAJ KOMERCISTOJ MALFERMAS BUTIKUJON EN ĈILIA ĈEFURBO

Fri, 21 Apr 2006 04:13:10 GMT

Mi ĵus vidis en televido novaĵon kiu informas ke ĉinaj komercistoj malfermis butikujon en Santiago. Kompreneble ĉio estas vere malmultekosta, kaj samaj varoj estas en ĉiliaj butikoj je duobla prezo. Ĉiuj nun estas ja zorgemaj ĉar la ĉinoj vendas tro malmultekoste, gajnas pli da mono, kaj bezonas malpli da mono por vivteni sin.
Jen kuroziaĵoj: neniu el la ĉinaj komercistoj scipovas paroli la hispanan lingvon; kaj ili havas nur unu interpretistino por la tuta butikejo!!! Certe tiel la ĉinoj ŝparas monon ankaŭ!!!!
Do, la ĉinoj eĉ ne lernis la anglan!!!
Parolante kun ĉina amikino per skajpo, ŝi raportis ke por komprenigadi kun ĉilia komercisto, ŝi parolas esperante, kaj li respondas itale; do ili tute ne bezonas la anglan lingvon por komerci!!!
Almenaŭ esperanto servas....